متى غادي يكون الحفل؟
حفل جائزة الكرة الذهبية لعام 2025 غادي يتدار يوم الخميس 7 غشت، لكن الفائز الرسمي غادي يتم الإعلان عليه يوم 22 شتنبر 2025. والكل كيتسنى يعرف شكون غادي يخلف رودري، اللي ربح الجائزة العام اللي فات.
شنو المعايير؟
هاد التصنيف كيركز على أداء اللاعبين من بداية موسم 2024-2025، وكيعتمد على معايير واضحة وتحليل محايد للمردود الفردي والجماعي.
لائحة أفضل 10 لاعبين مرشحين:
1. عثمان ديمبيلي (فرنسا / باريس سان جيرمان)
ديمبيلي هو المرشح الأقوى، خصوصًا بعدما تألق فدوري الأبطال وساهم بتسجيل أهداف حاسمة فكل الأدوار، وساهم أيضًا فالفوز على ريال مدريد فكأس العالم للأندية. سجل 35 هدف ودار 16 تمريرة حاسمة، وتوج كأفضل لاعب فالدوري الفرنسي.
2. لامين يامال (إسبانيا / برشلونة)
لامين قدم موسم ممتاز مع برشلونة، وسجل 18 هدف وصنع 25. تألق فالكلاسيكو وضد دورتموند، لكن غيابو عن كأس العالم للأندية ونهاية سيئة مع إسبانيا فنهائي دوري الأمم الأوروبية، خلات حظوظه أضعف.
3. أشرف حكيمي (المغرب / باريس سان جيرمان)
واحد من أبرز الأسماء فالموسم، سجل 11 هدف وصنع 16، وسجل هدف نهائي دوري الأبطال. تألق ضد أستون فيلا وأرسنال وبايرن فمونديال الأندية. ورغم خيبة أمله فالكاف، إلا أن الأداء ديالو يخليه فالمقدمة.
4. رافينيا (البرازيل / برشلونة)
موسم استثنائي مع برشلونة، 34 هدف و25 أسيست. تألق فالأدوار الإقصائية لدوري الأبطال، وترك بصمته فالكلاسيكو ونهائي السوبر. لكن الخروج من نصف النهائي وكأس العالم خفف من فرصه.
5. فيتينيا (البرتغال / باريس سان جيرمان)
واحد من الجنود المجهولين فباريس، سجل 8 أهداف وصنع 5، وفاز بأربع ألقاب منهم دوري الأبطال. دوره كان حاسم خصوصًا فنهائي الأبطال وتمريرته الحاسمة. فاز حتى بدوري الأمم الأوروبية مع البرتغال.
6. محمد صلاح (مصر / ليفربول)
رغم أنو سجل 34 هدف وصنع 23، وقدم موسم فردي ممتاز، إلا أن الخروج المبكر من دوري الأبطال وكأس العالم للأندية، قلل من حظوظه.
7. بيدري (إسبانيا / برشلونة)
أرقامو قليلة (6 أهداف، 7 أسيست) لكن تأثيرو فوسط الميدان ديال برشلونة كبير. فاز بالدوري، الكأس والسوبر، لكن الغياب عن الأدوار النهائية للأبطال وكأس العالم أثر على حضوره.
8. كيليان مبابي (فرنسا / ريال مدريد)
سجل 43 هدف وربح الحذاء الذهبي، لكن أول موسم مع مدريد ماكانش مثالي. خرج من ربع نهائي الأبطال، وغيابو على بعض مباريات كأس العالم خلى فرصو ضعيفة.
9. جيانلويجي دوناروما (إيطاليا / باريس سان جيرمان)
الحارس الإيطالي تألق فدوري الأبطال، خاصةً بتصديات حاسمة ضد ليفربول وأستون فيلا وأرسنال. فمونديال الأندية تألق ضد بايرن، وخلا شباكو نظيفة فـ5 مباريات من أصل 7.
10. كول بالمر (إنجلترا / تشيلسي)
تألق فالنصف الأول من الموسم، وفاز بكأس العالم للأندية والدوري الأوروبي. سجل 18 هدف وصنع 14، واختير أفضل لاعب فمونديال الأندية.
السباق مازال مفتوح، لكن ديمبيلي، يامال، حكيمي، ورافينيا كيبانو هما الأقرب.. واش غادي تكون مفاجأة؟
